3 мамыр 2017 жылғы №31 мектеп-гимназиясында Қазақстан Халқының Бірлігі күніне арналған "Калейдоскоп планет" фестивалі өтті.

Оқушыларға  халқымыздың  ғасырлар  бойы  келе  жатқан  әдет-ғұрып, салт-дәстүрін, ата-баба дәстүрін  құрметтеуді үйрету, Отанды сүюге  баулу, Атамекенге   деген  сүйіспеншілікті  арттыру мақсатында  мектебімізде  жыл  сайын  «Жігіт сұлтаны»  сайысын  өткізу дәстүрге айналған. 1-4 сыныптар арасында  өткен сайыс өз мақсатына жетті. Оқушылар байқау шарттарын орындап, өздерін жан-жақты көрсетуге тырысты.  

Бүгінгі ХХІ ғасыр  білім мен ғылым дамыған заманда талантты, қабілетті,өнерлі  оқушыларды  көру әр білім ошағының басты мақсаты. Елжандылыққа баулу, патриот тәрбиелеу мақсатында   5-8 сыныптар  арасында өткізілген сайыс  өз дәрежесінде болды. Оқушыларымыз байқау шарттары  бойынша өздерін әр қырынан танытты.  Әсіресе тапқырлық,ептілік,шешендіктің үлгісін көрсеткен оқушыларға әділ қазылар өз ризашылығын білдірді. Бағалау критерийлері (костюм,шеберлік,сахна мәдениеті) де  көпшіліктің  ойынан шығып қуантты.

Жігіттерімізді батырлыққа, шешендікке, тапқырлыққа, имандылыққа тәрбиелеу мақсатында 7 мамыр Отан қорғаушылар мерекесі қарсанында 4 бөлімінен тұратын «Жігіт сұлтаны» сайысы   9-10 сыныптар арасында жоғары деңгейде өтті. «Сегіз қырлы, бір сырлы», «Күш атасын танымас» шарттары да өз мақсатына жетті. Оқушылардың  ақыл-ой  тереңдігін, ой ұшқырлығын сарапқа салу әділ қазылар алқасына оңай болған жоқ. Оқушылар  мың  құбылтып  ән   салды, күмбірлете күй тартты.  «Жігітке  жеті  өнер  де  аз» дегендей  кір тасын да көтеріп көрермендердің көз айымына айналды.