Ұстаздар күніне арналған 1-11 сыныптарда тәрбие сағаттары өткізілді. Оқушылар өз тарапынан ұстаздарына деген ыстық ықыласын өлең жолдарымен жеткізіп, би билеп, әндерін арнады.11-сынып оқушылары өзін-өзі басқару күнін өткізіп, бір күнді мұғалім ретінде сабақ беріп, сынып жетекшілік қызметті де атқарды.

                                  М ұғалімдер мерекесі    Қазанның 1-і күні мектебімізде мұғалімдер мерекесі тойланып өтті. Бұл күні жоғары сынып оқушылары білім саласында атсалысып, мұғалімдердің қызметтерін өздері атқарды.  Сабақтан соң, мұғалімдерге арнап мерекелік іс-шара ұйымдастырылды. Мереке барысында қазақ тілі мен әдебиеті пәні мұғалімдері А.О.Бейсенбаева, А.Т.Тоқтамысова, биология пәні мұғалімі К.Б.Молдахметова Білім басқармасы мен кәсіподақ ұйымының арнайы Мақтау қағаздарымен марапатталды.

        Мектебімізде мұғалімдер күніне орай жас мұғалімдердің ұйымдастыруымен мерекелік концерт өтті. Салтанат залында өткен мерекелік кеш өте қызықты болды. Мектеп директоры Жакенбай Шәріпхан Қажытайұлы ұстаздарды төл мерекесімен құттықтап, еңбегі еленген мұғалімдерге мақтау қағазын табыстады.

Астана қаласы Ж.Жабаев атындағы №4 мектеп-гимназиясында 1 қазан күні қарттар мен ұстаздар мерекесіне арналған «Мұғалім - мәңгілік нұрдың айнасы» атты ардагер ұстаздармен кездесу кеші өтті.