«Мектепке дейінгі мекемелердің инновациялық кеңістігіндегі болашақ маманның кәсіби құзіреттілігі: тәжірибе, ізденістер»
2014 жылдың 31 наурызында «Мектепке дейінгі мекемелердің инновациялық кеңістігіндегі болашақ маманның кәсіби құзіреттілігі: тәжірибе, ізденістер» тақырыбында өтетін дөңгелек үстелөтті.
Дөңгелек үстел тақырыбының келелілігі: қазіргі уақытта мектепке дейінгі білім беру ұйымдарын кәсіби педагогикалық кадрлармен қамтамасыз ету мен тәрбиелік-білім беру міндеттерін тиімді шеше алу қажеттіліктерін анықтау. Жыл сайынғы мектепке дейінгі білім беру салалары үшін мамандарды даярлау бойынша мемлекеттік тапсырыстың артуына байланысты бағытталған мәселелерді шешу жолдары да қарастырылды.
Талқылау құралы мектепке дейінгі мамандарды қазіргі әлеуметтік жағдайда даярлау, жаңабуын педагогтарын даярлаудың қажетті деңгейін анықтау, мектепке дейінгі мекемелердің инновациялық кеңістігінде кәсіби студенттер даярлауды қамтамасыз етудегі бірлескен жұмыстарды дамыту болды. Дөңгелек үстел жұмысына Білім басқармасының кәсіптік білім беру және кадрларды даярлау бөлімінің әдістемелік кабинет меңгерушісі Жукенова Бағлан Берденқызы, әлеуметтік серіктестер – қаламыздағы 26 мектепке дейінгі білім беру мекемелерінен басшылары, педагогтар және колледж оқытушылары қатысты. Студенттердің кәсіби пратикадан өтуіне атсалысып жүрген мектепке дейінгі білім беру мекемелері басшылары алғыс хаттармен марапатталды.
Жаңалықты мекеменің сайтында қарау
