Ы.Алтынсариннің әңгімелері желісінде ұйымдастырылған көріністер сайысы
Астана қаласы №53 мектеп-лицейдің 5-сыныптары аралығында Ыбырай Алтынсариннің туғанына 175 жыл толуына арналған Ы.Алтынсариннің әңгімелері желісінде ұйымдастырылған көріністер сайысы болып өтті. Іс-шараны ұйымдастырған мектептің қазақ тілі мен әдебиеті пәнінің мұғалімдері – Сәрсембаева Жұмаш Төлекенқызы мен Медеубаева Шынар Төлеқызы. Оқушылар сайысқа ерекше көңілмен дайындалғаны байқалды. 5«А» сыныбы «Әке мен бала», 5«Ә» сыныбы «Бір уыс мақта», 5«Б» сыныбы «Жаман жолдас», 5«В» сыныбы «Алтын шеттеуік», 5«Г» «Асыл шөп», 5«Д» сыныбы «Мақта қыз бен мысық», 5«Е» сыныбы «Бақша ағаштары» атты әңгімелерді сахналап қойылым көрсетті. Сайыс қорытындысында І орынды 5«Д» сыныбы, ІІ орынды 5«А» сыныбы мен 5«В» сыныбы алса, ІІІ орынды 5«Е» сыныбы, 5«Г» сыныптары алды. Жас өспірімдерді көркем әдебиетке қызықтыруға арналған тәрбиелік маңызы бар бұл іс шара оқушыларға ұнады.
Жаңалықты мекеменің сайтында қарау
