«Қариясы бар үйдің қазынасы бар» тақырыбында өткізілген ардагер ұстаздармен кездесу
2016 жылдың 1-қазан күні қарттар күні және ұстаздар мерекесіне орай, Астана қаласы №49 орта мектеп ұжымы зейнеткер ұстаздарды құттықтау мақсатында «Қариясы бар үйдің қазынасы бар» тақырыбында ардагер ұстаздармен кездесу ұйымдастырды.
Кездесу барысында мектеп директоры Д.М.Джумартова сөз алып, ардагер ұстаздар қауымына өз құттықтауын жолдап, жылы тілегін білдіріп, қажырлы, ерен еңбек еткен мұғалімдерді алғыс хатпен марапаттады.
Оқушылар қарт ұстаздардың көңілін көтеріп, жылы лебіздерін арнап, шағын концерт ұсынды.
Жас мамандар ән шырқап, мың бұрала би билеп ардагер ұстаздар назарына өз өнерлерін көрсетті. Ардагер ұстаздар өз өмір тәжірибесімен бөлісіп, сауалдарға жауап беріп, жас мамандардың болашақта білікті де білгір маман болатынына сенім білдіріп, жас мамандарға ақ баталарын берді.
Жаңалықты мекеменің сайтында қарау
