«Ұстаз деген- ұлы есім»
01.10.116ж. Ұрпақтың ұлы мұраты жолында талмай еңбек етіп жүрген ұстаздардың кәсіби мерекесіне орай мектебімізде «Ұстаз деген- ұлы есім» тақырыбында мерекелік іс- шара өтті. Мерекелік кешіміздің шымылдығын мектебіміздің директоры Самал Ботаханқызы ашып, білім көшін жылжытып келе жатқан ұстаздар қауымын құттықтап, құрмет білдірді.
Мерекелік іс-шараға Астана қаласы Білім басқармасың әдіскері Қожахметова Асылтас Заидқызы қатысып, білім берудің жетілдірілген жаңа жүйесіне сай даму жолында зор үлес қосып жүрген ұстаздарды Білім басқармасының мадақтамасымен, алғыс хатымен марапаттап, құттықтады. 
Білім берумен қатар, тағылымды тәлім –тәрбие түрлерін нәтижелі ұйымдастыра алған мектеп ұстаздарын мектеп басшысы Самал Ботаханқызы марапаттады.
«Мұғалім оқушы көзімен» айдарымен ұйымдастырылған сауалнама қорытындысы бойынша құрметке лайық ұстаздар номинация бойынша марапатталды. 
Мерекеге ұзақ жылдар ұстаздық қызмет атқарып, зейнетке шыққан ардагер ұстаздар шақырылып, сый-құрмет көрсетілді. Ардагер ұстаздар ұстаздар қауымына жылы лебіздерін білдірді. 
Кеш көңіл толқытар күймен, мың бұралған бишілердің биімен, күміс көмей әншілеріміздің әнімен өз жалғасын тапты.
Жаңалықты мекеменің сайтында қарау
