Білім күні құтты болсын!
Мектебімізде жылдағы дәстүр бойынша Білім күні аталып өтті. Салтанатты жиынға арнайы қонақтар мен ата-аналар, оқушылар мен мұғалімдер қатысты. Мектеп директорының оқу-тәрбие ісі жөніндегі орынбасары Молдаханова Алтынай Сайлауқызы жаңа оқу жылында оқушылар мен мұғалімдерге шығармашылық табыс тіледі. Ардагер ұстаз, Қазақстан Республикасының білім беру ісінің құрметті қызметкері Тілеубек Ысқақұлы оқу жылының басталуымен құттықтап, саналы ұрпақ тәрбиелеп жатқан ұстаздарға алғысын білдірді. Білім күніне арналған тәрбие сағаты «Мен – патриотпын!» тақырыбында өткізілді. Биылғы оқу жылында бірінші сыныпқа 180-ге жуық оқушы қабылданды. Мектеп табалдырығын алғаш аттағалы тұрған 1-сынып оқушылары мәнерлеп өлең оқыды. Мектебіміздің өнерпаз оқушылары әннен шашу шашты. Алғашқы қоңырауды 1-сынып оқушысы Егимбай Ерасыл мен 11-сыныптың үздік оқушысы Қасен Тоғжан соқты.
Ұйымдастырушы педагог: Бақытжан Болатбек
Жаңалықты мекеменің сайтында қарау
