Жалпы мектепішілік ата-аналар жиналысы
Жалпы ата-аналар жиналысы мектебіміздің салтанат залында өтті. Мектеп директорының міндетін атқарушы Ештанаев Жазыбек Опиұлы жиналған қауымды жаңа оқу жылымен құттықтады. Директордың оқу-тәрбие ісі жөніндегі орынбасары Молдаханова Алтынай Сайлауқызы ата-аналарды жаңа оқу үрдісімен таныстырды. Мектеп директорының тәрбие ісі жөніндегі орынбасары Шабкенова Самал Жамалиқызы 2017-2018 оқу жылындағы іс-шаралардың өткізілуі туралы мәлімдеді. Критериалды бағалау туралы директордың бастауыш сынып бойынша тәрбие ісі жөніндегі орынбасары Уалиева Сандуғаш Қалиденқызы кеңінен түсіндірді. Мектебіміздің психологтары Рүстемова Жанар Тілеубергенқызы мен Атамбаева Дина Жұмаханқызы жаңадан келген оқушылардың бейімделуі жайлы психологиялық мәліметтермен, оларға дер кезінде қажетті психологиялық көмек көрсетуі жайында өз ойларымен бөлісті. Жиналысқа мектеп кітапханашысы да қатысып, биылғы оқу жылында оқушылар кітаппен толық қамтамасыз етілетінін айтты. Мектеп әкімшілігі ата-аналардың көкейінде жүрген сұрақтарға жауап берді. Мектепішілік жиналысқа екі жүзден астам ата-ана қатысты.
Ұйымдастырушы педагог: Бақытжан Болатбек
Жаңалықты мекеменің сайтында қарау
