20 қыркүйек күні № 10 мектеп- гимназияда Қазақстан халықтарының достығы мен бірлігін дәріптейтін «22- қыркүйек Қазақстан халықтарының тілдері күніне» арналған салтанатты мерекелік кеш өтті. Оқушыларды өзге халықтардың мәдениеті мен тілін білуге, құрметтеуге үйретер, үш тұғырлы тіл саясатын қолдауға баулитын, Қазақстан Республикасында тұратын өзге ұлт өкілдерінің салт –дәстүрін насихаттайтын бұл шара оқушылардың бос уақытын тиімді пайдаланумен қатар, оқушылардың шығармашылық, зияткерлік қабілеттерінің дамуына өзінің зор үлесін қосты. Шара барысында 5-8 сынып оқушылары ана тілге, жалпы тілге деген құрметтерін өздерінің мәнерлеп оқыған өлеңдері арқылы көрсетті. 11- сынып оқушысы Илиясова Наргиз, 10- сынып оқушысы Биржанов Ораз өзге ұлт өкілдері тілдерінде ән шырқады. 8-10 сынып оқушылары әр ұлттың билерін ұсынды. Кештің соңы 10-сынып оқушысы Биржанова Дильнураның орындауындағы патриоттық «Астана» әнімен аяқталды. Шара мәресі өз мақсатына жетіп аяқталды.
Жаңалықты мекеменің сайтында қарау
