«Баланың бас ұстазы - ата-анасы» атты дөңгелек үстел өткізді.
2017-2018 оқу жылының 12-қыркүйегінде мектебіміздің 10 жылдығына орай ұйымдастырылған «Заманауи білім- келешек кепілі » атты қалалық семинарда ата-аналармен «Баланың бас ұстазы - ата-анасы» атты дөңгелек үстел өткізді. Ата-аналармен бірлесе өткізген іс-шара сәтті өтті.
«Баланың бас ұстазы - ата-анасы» аттыдөңгелек үстелінде 4 «Б», 2 «К» сыныбының ата-аналары тақырыпқа сай берілген ауқымды сұрақтар мен түрлі жағдаяттар туралы өзара пікір алмасты. Пікір алмаспас бұрын ата-аналар арасында «Өрмекші торы» атты тренинг арқылы ынтымақтастық атмосферасын орнатып, бала тәрбиелеудегі кездесетін түрлі қиындықтарды да шешуге болатыны жайлы тұжырым жасады.
Тақырып төңірегінде түрлі бейнероликтерді тамашалай отырып, өз ойларын еркін ортаға салды. Сонымен қатар бала тәрбиесіне ұлттық тәрбиенің ықпалы зор екендігіне көз жеткізе отырып, ұлттық тәрбиеміздің жойылмауына басты назар аударылды. Әр ата-ана өз баласының тәрбиесіне, оқу үдерісіне көп көңіл бөлу керектігін түсінді.
Қазіргі жаңартылған білім беру мазмұны бойынша жаңаша оқытудың тиімділігі мен ерекшелігін атап өтті.
Ата-аналар арасында жаңартылған оқу бағдарламасы туралы пікірді қолдамаған ата-аналарда болды. Пікір соңында бұл бағдарламаның күрделі болса да нәтижелі, тиімді екенін ұғынып, баласының оқуына өздерінің көмектерінің ықпалы зор екендігіне көз жеткізді. Пікір алмасу барысында өздерін толғандырып жүрген сауалдарының жауабын тапқаны кері байланыс парақшасына жазған ойларынан байқалды.
Жаңалықты мекеменің сайтында қарау
