"Мен және менің полицейім"
2017 жылдың 18-қазанында №59 мектеп-лицейінде мәжіліс залында елімізде өткізіліп жатқан Республикалық акция аясында "Мен және менің полицейім" тақырыбында Астана қаласы "Есіл" ауданы АІІБ-нің құқық қорғау қызметкерлерімен кездесу өтті. Кездесуге 6-7-сынып оқушылары, топ жетекшілері, директордың тәрбие ісі жөніндегі орынбасарлары Г.Кудайберген, К.Ибышева, мектеп инспекторы А.Бармышева қатысты.
Есіл ауданының АІІБ өкілдері аға жедел уәкілі полиция подполковнигі Ж.Оразов, криминалдық полиция бөлімінің аға лейтенанты А.Байсалканова, тергеуші, аға лейтенант Ж.Оспанов, ювеналды полиция қызметкері, аға лейтенант А.Досымбеков, оқушыларға полиция қызметкерлерінің жұмыстарының ерекшеліктеріне тоқталды, жұмыс құралдарының көмегімен, тергеу жүргізу және іздестіру арқылы қылмысты ашу, оның алдын алу туралы әңгімелеп берді.
Сондай-ақ, оқушыларға қоғамдық тәртіпті бұзушыларға әсер ету шаралары туралы қосымша түсініктемелер берілді. Құқық қорғау органдарының қызметкерлері оқушылардың қойған сұрақтарына жан-жақты, толық жауап берді.
Жаңалықты мекеменің сайтында қарау
