Коучинг «Диалогтік оқыту»
Күзгі каникул мерзіміне қарамастан, мектеп жұмысы қызу қайнауда. Деңгейлік курстарды өткен мұғалімдер мектеп ұжымына деңгейлік бағдарлама бойынша оқыту коучингтерін өткізеді. Бүгін мен «Диалогтік оқыту» тақырыбында коучингін өткіздім. Бұл - оқыту коучингі мұғалімдер өз сабақтарында осы әдісті қолдана білуі үшін өткізілді. Оқыту барысында мұғалімдерге тақырыпты ашу үшін видеоролик көрсетілді. Мұғалімдер топта сыни тұрғыдан ойланып, тақырыпты талқылады. Диалогтің үш түрімен танысты. Әр топ диалогтік оқытудың түрлері бойынша тапсырмалар орындап, жұмыстарын қорғады. Ең соңында кері байланыс жасап, психологиялық тренинг өткізілді. Коучинг аяғында мұғалімдер өздеріне керекті көп ақпарат алғандарын айтты. Оқыту басынан аяғына дейін көтеріңкі көңіл-күй мен ынтымақтастық ортада өтті. Әріптестеріме жаңартылған бағдарлама бойынша жасап жатқан жұмыстарыңыз алға жүріп, жемісін көрулеріңізге тілектеспін дегім келеді. Сіздерге сәттілік тілеймін!
Қазақ тілі мен әдебиеті пәнінің мұғалімі: Нурмагамбетова Жибек Кабденовна
Посмотреть новость на сайте учреждения
