«Таза қала» бәріміз сенбілікке!
2018 жылдың 22 қыркүйек күні Ғафу Қайырбеков атындағы №2 мектеп-гимназиясында «Таза қала» атты оқушылар мен мұғалімдер қатысуымен жыл сайынғы жалпықалалық күзгі сенбілік өтті. Сенбіліктің басты мақсаты - қаланың көркіне көрік қосу, тазалығы мен экологиялық жағдайын жақсарту болып табылады. Астана қаласы әкімдігінің ұйымдастыруымен өткен бұл сенбілікке сонымен бірге ата-аналар да белсенді қатысты. Сенбілікке қатысушыларды қоқысты жинайтын арнайы (күрек, тырнауыш) жабдықтарымен, қолғаптарымен және қаптармен қамтамасыз етілді. Мектебіміздің барлық оқушылары сенбілікке белсене қатысып, әр сынып өзіне берілген аумақтарды тазалап өздерінің еңбекке деген ынтасының жоғары екенін көрсетті. Нәтижесінде мектеп ауласының маңайы мен ауыл көшелері қоқыс пен қалдықтардан тазартылды. Жасалған жұмыс балалар мен үлкендерді тазалық сақтап, табиғатты аялауға бір қадам болса да жақындатты деп ойлаймыз.
Жаңалықты мекеменің сайтында қарау
