Мектебіміздің мәжіліс залында 2 ақпан күні «Өзін-өзі тану: Махаббат пен Шығармашылық педагогикасы» атты он күндіктің ашылуы 1-7, 8-11 сыныптар арасында  екі ауысымда салтанатты түрде өтті. Мерекелік  жиында  алдымен мектеп  директоры Садықова Зауре Жақанқызы  сөз сөйлеп, бұл пәннің қаншалықты маңызды екенін айтып өтті. Іс-шара барысында оқушыларға Сара Назарбаеваның өмірбаяны айтылып, Сара апамыз жайында бейнефильм көрсетіліп, оқушылар ән айтып, осы іс-шарадан жақсы әсер алып, шабыттанып, зор қуанышпен мәжіліс залынан келесі сабақтарына бет алды.

14 қаңтар күні мектебімізде шахмат турнирінің салтанатты ашылуы өтті.

Салауатты өмір салтын насихаттау, ұлт болашағы проблемаларын жеткізу мақсатында  1 ақпан күні  7 сыныптар арасында СӨСҚ  орталығының медбикесі -  Рахимова Омина Бахадырқызы дәріс оқыды. Дәрістің  тақырыбы «Балалар арасында кездесетін семіздік» болды. Тақырыпты жете түсіндіру  мақсатында дәрісте   « Салауатты отбасын құрайық!»  атты бейнебаян көрсетілді. 

3«Ә» сынып оқушысы Хафиз Ақылжан каратэ-до  кекушинкайдан қалалық сайыста жүлделі 1-орын алды. Ақылжанды қалалық сайыста жүлделі орын алуымен шын жүректен құттықтаймыз! Сынып жетекшісі Сыдыкова Жыға Ағыбайқызы. Ақылжанның әлі де алар асуы биік болып, сыныптың, мектептің абыройын асқақтата берсін.