Астана қаласының №64 мектеп-лицейінде 1-қыркүйек күні дәстүрдегі «Алғашқы қоңырау» мерекесі өтті. Таңертең мектеп алаңына 1 және 11 сынып оқушылары сап түзеуге тұрып салтанатты түрде алғашқы қоңыраулары  соғылды.  Мерекеге ертегі кейіпкерлері Дин-дин мен Самсам 1-сынып оқушыларына қонаққа келіп таң-тамаша қалдырды. 

Шуақты қыркүйек айының алғашқы күні барша оқушы қауым алтын ұя мектебіне қайта оралып, мектеп табалдырығын алғаш аттаған балғындармен бірге сыңғырлаған қоңырау үні табысып отыр. 2016-2017 оқу жылында Қазақстан Республикасының Тәуелсіздігінің 25 жылдығы, Ата Заңымыздың 21 жылдығы, қасиетті қазақ жерін тең бесік етіп бейбітшілікке бөлеген Қазақстан халқы Ассамблеясына биыл 21 жыл толуын абыроймен атқаруды Алла тағала нәсіп етсін.

Мектебімізде Білім күніне орай «Қазақстан Республикасының Тәуелсіздігінің 25-жылдық мерейтойына» арналған салтанатты саптүзеу мен « Мен өз Отанымның патриотымын!» атты ашық тәрбие сағаттары өтті.

Оқу жылының 1-күні №60 мектеп-лицейінің 9-11 сынып оқушыларына арналған ерлік сабағын ұйымдастырушы-педагог, АӘД пәнінің мұғалімі, майор Танекенов Ә.Т. өткізді. Жиынға арнайы шақыртумен: Астана қалалық қорғаныс департаментінің полковнигі Лекеров Б.К Идеологиялық және тәрбие іс-жөніндегі орынбасары, полковник Пернебеков Б.Е қатысты. Басқосудың негізгі мақсаты жастарымызға ерлік пен батырлықтың мағынасын түсіндіру, әр қилы жағдайларда дұрыс шешім қабылдауға көмектесу болып табылады.