Ата - аналар мен мұғалімдер консиллиумы

26.12.2013 күні Астана қаласындағы №48 мектеп- лицейінің мәжіліс залында «Дарынды оқушы- ұлт байлығы» атты дарынды оқушылар конференциясы өтті. Оқушылардың білімге деген қызығушылығын арттырып, еліміздің көшбасшысы болуға мүмкіндіктерінің бар екеніне сенімді болуына жәрдемдесу мақсатында ұйымдастырылған конференцияда 1- жартыжылдықтағы оқушылардың дарынымен жеткен жетістіктерін марапаттау, ғалымдармен кездесу ұйымдастырылды.

Ұлттық академиялық кітапханада «Бабалар сөзі» қазақ фольклорының 100 томдық топтамасының тұсаукесер рәсімі өтті. «Бабалар сөзі» жобасы- ұлттық мәдениетіміздің әлемдік деңгейдегі теңдессіз жобасы. Жобаның басты мақсаты- халқымыздың ұлттық мақтанышы саналатын аса бай фольклорын қалың жұртшылыққа, ел- жұртқа толықтай таныстыру, фольклорымыздың түр жағынан да, мазмұн жағынан да, жанрлары мен көркемдік жағынан да баға жетпес асыл мұрасын бүкіл жаһанға паш ету.

Ақпан айының 15 күні №48 мектеп-лицейде жазушы, ақын, “Адам іздеп жүрмін», «Жүректегі жазулар» кітаптарының авторы Әкім Ысқақпен кездесу өтті. Кездесуді қазақ тілі мен әдебиетінің жоғары санатты мұғалімі Назым Төкебаева ұйымдастырды.