Бала еңбегін пайдалануға қарсымыз!
Дарынды балаларға арналған №9 «Зерде» мектебінде 1-12 маусым аралығында ”Бала еңбегін пайдалануға қарсымыз!» онкүндік аясында «Зорлық-зомбылықсыз әлем» тақырыбында кітап көрмесі ұйымдастырылды. Кітап көрмесіне бала құқығы туралы конвенция, Астана қаласы бойынша сенім телефондары нөмері жазылған парақша, пайдалы кеңестер туралы кітаптар қойылды.
9-сынып оқушылары арасында «Өз құқыңды білесің бе?!» тақырыбында тренинг өтті.
«Бала еңбегін пайдалануға қарсымыз!» тақырыбында ата-аналар жиналысы өтті. Жиналыста мектеп психологы Бірмағанбетова Ә.Ә. ата-аналарға «Бала құқықтары» туралы конвенцияда бала өзінің денсаулығына, білімі мен дамуына қауіп төндіретін жұмыс тапсырылған жағдайда қорғау құқығына ие. Мемлекет жұмысқа алуда бірінші кезекте адамның ең төменгі жас мөлшерімен еңбек жағдайына қатысты талаптарды белгілеуі керек екендігіне тоқталды. Өмірдегі кез-келген қиын жағдайдан шығатын жол табуға болатындығы, жеткіншек бойында жағымды көзқарас тәрбиелеу, жеткіншектерді іс-әрекеттің пайдалы түрлеріне тарту қажеттілігі және сонымен қатар отбасында үйлесімділік болу қажеттілігін атап өтті. Жедел психологиялық көмек көрсету қызметтері мен сенім телефондары туралы ескертілді.
Жаңалықты мекеменің сайтында қарау
