«Өзін – өзі тану: Махаббат пен Шығармашылық педагогикасы»
2017 жылдың 2 ақпан күні № 59 мектеп-лицейінде «Өзін – өзі тану: Махаббат пен Шығармашылық педагогикасы» атты республикалық оңкүндігінің салтанатты ашылуы өтті. Салтанатты іс-шараны мектебіміздің директоры А.А.Жумабекова алғы сөзімен ашты.Сара Алпысқызының туған күніне арналған іс-шараның өтілуіне байланысты Қазақстан телеарнасынан келген түсірілім тобы біздің мектебімізде бейнебаян түсірді. Тілшінің рөлінде 8 «А» сынып оқушысы Малика Құдайбергенова ойнады. Малика оқушыларға Сара ханымның өмірі жайында сұрақтар қойып, оқушылар тілшінің қойған сұрақтарына жауап беріп, құттықтау сөздерін айтты.
Іс – шарада оқушылар мейірімділік, ізгілік, адамгершілік және т.б. құнды қасиеттер туралы өлең-шумақтар айтып, би билеп, өз өнерлерін ортаға салды. «Байлық пен ақыл» көрінісін 7 сынып оқушылары ойнап берді. «Өзін-өзі тану» бағдарламасының авторы, «Бөбек» қорының ұйымдастырушысы Сара Алпысқызының өміріне, еңбектеріне арналған презентациялар дайындалды. Лездеме соңында онкүндіктің жоспары хабарланды.
Жаңалықты мекеменің сайтында қарау
