"Қыз сыны" байқауы
Халықаралық әйелдер күніне орай мектебімізде көптеген іс-шаралар өтті. «Біз мектептің гүліміз» атты сайыста 5-7 сыныптың қыздары ана туралы өлеңдер оқып, мың бұрала би билеп, өз өнерлерін ортаға салды. Ал «Қызғалдақ» қыздар клубының жетекшісі, Қазақстан Республикасы Білім беру ісінің құрметті қызметкері Есенбаева Роза Түзелбайқызының ұйымдастыруымен 8-9 сыныптың қыздары арасында «Қыз өмірдің гүлі» атты қыз сыны байқауы өткізілді. Қыздар өздерін таныстырып, қолдан жасаған көктемгі көйлектерін киіп, сән үлгісін көрсетті. Байқау өте тартысты өтті. Әділқазылар алқасының шешімімен арулар «Өнерлі қыз», «Ақылды қыз», «Парасатты қыз», «Шебер қыз», «Сүйкімді қыз», «Білімді қыз» номинацияларымен марапатталды.
Ұйымдастырушы педагог: Бақытжан Болатбек
Жаңалықты мекеменің сайтында қарау
