Ата-ана қолдауы – оқушының мамандық таңдауындағы басты бағыт.
10.04.2026«Ата-ана қолдауы – оқушының мамандық таңдауындағы басты бағыт» тақырыбында 9-сынып ата-аналарына арналған ата-аналар жиналысы өткізілді. Ата-аналар жиналысының мақсаты – оқушылардың болашақ мамандықты саналы түрде таңдауына бағыт беру, бұл үдерісте ата-ананың рөлін күшейту және отбасы мен мектеп арасындағы ынтымақтастықты нығайту болды. Жиналыс барысында ата-аналарға 9-сынып оқушылары үшін кәсіби бағдардың маңыздылығы түсіндіріліп, мамандық таңдаудағы негізгі факторлар кеңінен талқыланды. Атап айтқанда, баланың жеке қызығушылығы, қабілеті, бейімділігі мен психологиялық ерекшеліктерін ескеру қажеттігіне ерекше назар аударылды. Сонымен қатар, қазіргі еңбек нарығындағы сұранысқа ие мамандықтар туралы ақпарат беріліп, оқушылардың болашаққа дұрыс бағыт алуына көмектесу жолдары ұсынылды. Ата-аналарға баламен ашық қарым-қатынас орнату, оның пікірін тыңдау, қолдау көрсету және таңдау жасау барысында қысым жасамаудың маңыздылығы айтылды. Жиналыс барысында түрлі жағдаяттық сұрақтар қарастырылып, ата-аналар өз ой-пікірлерімен бөлісіп, тәжірибе алмасты. ВИДЕО КӨРУ
Қоғамдастық талқылаулары
Обсуждений не найдено
.jpg)
-.jpg)
